İkinəfərlik
iş rejimndə işləmə funksiyası müəllimə müxtəlif fənlərin tədrisində cütlər və
ya qruplar arasında maraqlı yarışlar, oyunlar keçirmək imkanı yaradır. Eyni
adda lövhə qarşısında iki nəfərin işləməsi sinifdə əməkdaşlığı artırır. Həmçinin
resurslar qovluğunda ikili istifadə üçün nəzərdə tutulmuş interaktiv
tapşırıqları, müəllimin resurs hazırlamaq üçün hazır şablonları proqramın
üstünlüklərinə aiddir. İkili istifadəçi rejimində nəinki müəllim şagirdlə, həmçinin
şagird şagirdlə əməkdaşlıq edərək lövhə qarşısında işləyə bilər.
İkili
istifadə rejiminə keçməzdən əvvəl qələmlər ayrı-ayrılıqda lövhədə işləyir.
Birlikdə İşləməsi üçün Əsas menyudan Alətlərə daxil olmaq və İkili istifadəçi əmrini
seçmək lazımdır. Bu seçimi hər iki qələmlə etmək mümkündür. Rejimə keçdikdən
sonra proqramda şagirdin istifadəsi üçün nəzərdə tutulmuş Alətlər paneli görünəcəkdir.
Müəllimin qələmi proqramın bütün funksiyalarını istifadə etdiyi halda şagird qələmində
bu imanlar məhduddur. Şagird qələmi yalnız öz Alətlər panelindəki
funksiyalardan istifadə imkanına malikdir. Hər iki qələm eyni anda səhifələr və
obyektlər üzərində əməliyyatları icra edir.
Hiç yorum yok:
Yorum Gönder